Чин исповеди, применявшийся в Днепропетровском Свято-Тихвинском монастыре в 1956–1959 гг.

* Данное чинопоследование было позаимствовано в Спасо-Преображенском Валаамском монастыре будущим митрополитом Гурием (Егоровым). И по благословению последнего (в то время – архиепископа Днепропетровского и Запорожского) использовалось в Днепропетровском Свято-Тихвинском монастыре. Тогдашним насельницам обители чин этот был очень дорог. Некоторые из них до сих пор помнят, с какой теплотой и сердечностью предлагал его им владыка Гурий, и сколь мудро совершал его в монастыре старший священник обители протоиерей Сергий (Никитин) – будущий епископ Стефан.

С 1991 г. и поныне по этому чинопоследованию совершается исповедь в Свято-Никольском женском монастыре г. Могилёва. В 2006 году оно было опубликовано игуменией монастыря Евгенией (Волощук) (одной из насельниц Днепропетровского Свято-Тихвинского монастыря в 1950-е гг.).

ЧИНОПОСЛЕДОВАНИЕ ИСПОВЕДИ

(По открытии диаконом Царских врат иерей, облаченный в фелонь, епитрахиль и поручи, поклонившись вместе с диаконом св. Престолу и поцеловав крест и Евангелие, выносит, предыдущу свещеносцу, Крест и Евангелие и полагает на аналое посреди храма, затем кланяется, целует св. Крест и Евангелие).

Диакон: Благослови, владыко.

Священник: Благословен Бог, всем человеком хотяй спастися и в разум истины приити́, всегда, ныне и присно и во веки веков.

Лик вместе с народом: Аминь. Царю́ Небесный...

Чтец: Трисвятое до молитвы «Отче наш».

Лик вместе с народом: Отче наш...

Чтец: Псалом 50-й.

Лик:

Седален, во глас 6-й:

Помышляю день страшный / и пла́чуся деяний моих лукавых, / ка́ко отвещаю Безсмертному Царю, / ко́им дерзновением воззрю́ на Судию́, блудный аз, / Благоутро́бне О́тче, Сы́не Единородный и Ду́ше Святы́й, помилуй нас.

Народ: Поёт символ веры, простым распевом.

Диакон: Вонмем.

Чтец: Прокимен, глас 6-й: Помилуй мя, Боже, / по вели́цей милости Твоей.

Стих: Сердце чисто сози́жди во мне, Боже, и дух прав обнови во утробе моей.

Диакон: Вонмем. Премудрость.

Чтец:

Соборного послания Иоаннова чтение (зачало 69)

Диакон: Во́нмем.

Чтец: Возлюбленнии, а́ще рече́м, яко греха не и́мамы, себе́ прельщаем, и истины несть в нас. Аще испове́даем грехи на́ша, Верен есть и Праведен, да оставит нам грехи на́ша и очистит нас от всякия неправды: а́ще рече́м, яко не согрешихом, лжа творим Его, и слово Его несть в нас. Ча́дца моя, сия́ пишу вам, да не согреша́ете. И а́ще кто согрешит, Хода́тая и́мамы ко Отцу, Иисуса Христа Праведника. И Той очищение есть о гресе́х наших: не о наших же то́чию, но и о всего мира. И о сем разумеем, яко познихом Его, аще заповеди Его соблюдаем. Глаго́ляй, яко позна́х Его, и заповеди Его не соблюдает, лож есть и в сем истины несть. А и́же а́ще соблюдает слово Его, поистине в сем любы́ Божия совершенна есть. О сем разумеем, яко в Нем есмы́.

Священник: Мир ти. Чтец: И духови твоему.

Лик: Аллилуйя, аллилуйя, аллилуйя.

Диакон: Премудрость про́сти, услышим Святаго Евангелия.

Священник: Мир всем.

Лик: И духови твоему.

Священник:

От Матфея святаго Евангелия чтение

(В зачалах 12, 17. Глл.V. 20–24 – VI. 14–15)

Диакон: Во́нмем.

Священник: Рече́ Господь Своим ученико́м: я́ко а́ще не избу́дет правда ваша паче книжник и фарисей, не вни́дете в Царствие Небесное. Слы́шасте, яко рече́но бысть древним: не убие́ши. Иже бо аще убие́т, повинен есть суду́; и́же бо а́ще речет брату своему: рака́, повинен есть со́нмищу. А и́же рече́т: уро́де, повинен есть гее́нне огненней. Аще у́бо принесеши дар твой ко олтарю, и ту помянеши, яко брат твой имать нечто на тя, остави ту дар твой пред олтаре́м, и шед прежде смирися с братом твоим, и тогда пришед принеси дар твой. А́ще у́бо отпуща́ете человеком согрешения их, отпу́стит и вам Отец ваш Небесный. А́ще ли не отпущаете человеком согрешения их, ни Отец ваш отпустит вам согрешений ваших.

Лик: Слава Тебе, Господи, слава Тебе.

Слава: Молитвами Предтечи Твоего и Апостолов, Милостиве, очисти множество согрешений наших.

И ныне: Молитвами Богородицы, Милостиве, очисти множество согрешений наших. Помилуй мя, Боже...

В той же глас: Помилуй нас, Господи, помилуй нас: / всякаго бо ответа недоумеюще, / сию Ти молитву яко Владыце / грешнии приносим: помилуй нас.

Диакон: Господу помолимся.

Лик с народом: Господи, помилуй (40).

Священник молитву: Боже, Спасителю наш, Иже пророком Твоим Нафа́ном покаявшемуся Давиду о своих согрешениих оставление дарова́вый и манасси́ину в покаяние молитву прие́мый, Сам и рабы Твоя́ кающияся о нихже соде́яша согрешениих, приими́ обычным Твоим человеколюбием, презирая им вся содеянная, оставляя неправды и превосходяй беззакония. Ты бо рекл еси, Господи: хотением не хощу́ смерти грешника, но яко еже обратитися и жи́ву быти ему и яко седмьдесят седмери́цею оставляти грехи. Поне́же, яко величество Твое безприкладное, и милость Твоя безмерная: а́ще бо беззакония на́зриши, кто постои́т? Яко ты еси Бог кающихся, и Тебе славу возсылаем, Отцу и Сыну и Святому Духу, ныне и присно, и во веки веков, аминь.

Диакон: Господу помолимся.

Лик: Господи, помилуй.

Глас 5:

Владыко, Христе Боже, / Иже страстьми́ Твоими страсти моя исцеливый, / и язвами Твоими язвы моя уврачева́вый, / даруй мне, много Тебе прегрешившему, слезы умиления, / сраствори́ моему телу / от обоняния животворящаго Тела Твоего, / и наслади душу мою Твоею честною Кровию, / от горести, е́юже мя сопротивник напои́: / возвыси мой ум к Тебе, до́лу поникший, / и возведи от пропасти погибели, / яко не и́мам покаяния, не и́мам умиления, / не и́мам слезы́ уте́шительныя, / возводящия чада ко своему наследию. / Омрачихся умом в житейских страсте́х. / Не могу воззрети к Тебе в болезни, / не могу согретися слезами яже к Тебе любве, / но Владыко Господи Иисусе Христе, Сокровище благих, / даруй мне покаяние всецелое / и сердце люботрудное во взыскание Твое́, / даруй мне благодать Твою / и обнови во мне зра́ки Твоего образа. / Оставих Тя – не остави мене́: / изыди на взыскание мое: / возведи к па́жити Твоей, / и сопричти́ мя овцам избранного Твоего стада: / воспитай мя с ними от злака Божественных Твоих Таинств / молитвами Пречистыя Твоея́ Матере / и всех святых Твоих. Аминь.

Припев 9 песни канона Сретения Господня:

О Христе всех Царю,/ подаждь ми слезы теплы́, / да плачу мою душу, юже зле погубих.

Священник читает слово свт. Тихона Задонскаго:

Христос грешную душу к Себе призывает:

Почто́ ты, человече, Мене оставил?

Почто тебе Возлюбившаго отвратился?

Почто паки пристал к врагу Моему?

Помяни́, яко тебе ради с Небесе снидо́х.

Помяни, яко тебе ради плоть бых.

Помяни, яко тебе ради от Девы родихся.

Помяни, яко тебе ради младе́нствовах.

Помяни, яко тебе ради смирихся.

Помяни, яко тебе ради обнища́х.

Помяни, яко тебе ради на земли́ пожих.

Помяни, яко тебе ради гонение претерпех.

Помяни, яко тебе ради злословие, поношение, ругание, безчестие, раны, заплевание, зауше́ние, насмеяние, укоризненныя страсти приях.

Помяни, яко тебе ради с беззаконными вмени́хся.

Помяни, яко тебе ради поно́сною смертию умро́х.

Помяни, яко тебе ради погребен бых.

С небесе снидох, чтобы тебе на небо возвести.

Смирихся, чтобы тебе вознести.

Обнищах, чтобы тебе обогатить.

Обезчестихся, чтобы тебе прославить.

Уязвихся, чтобы тебе исцелить.

Умрох, чтобы тебе оживить.

Ты согрешил, а Я грех твой на Себе взял.

Ты виноват, а Я казнь приял. Ты должник, а Я долг заплатил.

Ты на смерть осужде́н, а Я за тебе умер.

Но к сему любовь Моя, милосердие Мое привлекло Мене́.

Не мог Я терпеть, чтобы ты в таком страдал злополучии.

Сию ли ты Мою любовь пренебрегаешь?

Вместо любви ненависть воздаешь.

Вместо Мене грех любишь.

Вместо Мене страстем работаешь.

Но что ты сыскал во Мне отвращения достойное?

Чего ради не хочешь ко Мне прийти?

Добра ли себе хочешь? – Всякое добро у Мене́.

Блаженства ли хочешь? – Всякое блаженство у Мене.

Красоты ли хочешь? – Что красне́йше паче Мене?

Благородства ли хочешь? – Что благороднее Божия Сына и Девы?

Высоты ли хочешь? – Что выше Царя Небесе?

Славы ли хочешь? – Что славне́е паче Мене?

Богатства ли хочешь? – У Мене всякое богатство.

Премудрости ли хочешь? – Я Премудрость Божия.

Дружества ли хочешь? – Кто любезнее и любительнее Мене,

Иже душу за всех положил?

Помощи ли ищешь? – Кто поможет, кроме Мене?

Врача ли ищешь? – Кто исцелит, кроме Мене?

Веселия ли ищешь? – Кто увеселит, кроме Мене?

Утешения ли в печали ищешь? – Кто утешит, кроме Мене?

Покоя ли ищешь? – У Мене обрящеши покой души твоей.

Мира ли ищешь? – Аз есмь мир душевный.

Жизни ли ищешь? – У Мене источник жизни.

Света ли ищешь? – Аз есмь свет миру.

Истины ли ищешь? – Аз есмь истина.

Пути ли ищешь? – Аз есмь путь.

Вождя ли к Небеси ищешь? – Аз есмь Вождь верный.

Что убо, чесо ради не хочешь приити́ ко Мне?

Приступить ли не смеешь? – К кому удобнейший при́ступ?

Просить ли опасаешься? – Кому Я просящему с верою отказал?

Грехи ли не допускают тебя? – Я за грешников умер.

Смущает ли тя множество грехов? – Более у Мене милосердия.

Приидите ко Мне, вси труждающиися и обремененнии, и Аз упокою вы (Мф. XI. 28).

И молитву:

Се, чадо, Христос невидимо стоит, прие́мля испове́дание твое́, не усрами́ся, ниже́ убойся, и да не скры́еши что от мене, но не обину́яся рцы вся, елика соделал еси, да прии́меши оставление от Господа нашего Иисуса Христа. Се и икона Его пред нами: аз же то́чию свидетель есмь, да свидетельствую пред Ним вся, ели́ка рече́ши мне. Аще ли что скрыеши от мене, сугуб грех и́маши. Внемли́ у́бо: поне́же бо прише́л еси во врачебницу, да не неисцеле́н оты́деши.

Диакон: Господу помолимся.

Лик: Господи, помилуй.

Священник, стоя пред святым Крестом и Евангелием, медленно читает:

Исповедуем Тебе, Господу Богу нашему, в Троице славимому, Отцу и Сыну и Святому Духу, и Пречистей Богородице и Приснодеве Марии, в предстоянии святаго Ангела хранителя, Небесных Сил безплотных, святителя Николая, и всех святых вся наша грехи, содеянные нами от младенчества нашего и до сего часа, Отче Наш преблагий, Боже всемилостивый, грехи наша неисчислимые вольные и невольные, ве́домые и неве́домые, явные и тайные, великие и малые!

Недостойны мы милости Твоей, достойны осуждения и вечных мук, но припа́даем к Тебе, яко блудный сын моляся.

Согрешили мы на небо и пред Тобою. Приими́ ны кающияся и в испове́дании нашем не отвержи нас.

Согрешили мы, Господи, неблагодарностью за Твои великие и безчисленные содеянные нам благодеяния и всеблагое промышление Твое.